MAVADO #1 ON SEVERAL CHARTS
Bwoy, mi have to give it up to Vado. The man visa problems sticky but mi see say him career still de pon a hype, the man have five songs inna RE top 20 charts (Ele de #1), him have at least four pon Richie B (Kartel de #1), and him have a few pon HYPE TV. Ah just hit after hit after hit: Brown Bottle, Touch Di Road, On the Rock, Money Changer, the man ting no normal, but him need fi just sort out him life, and flip the script pon dem because the police dem nuh ramp fi style him, and the Caribbean nuh waan see him right now. Yu nuh see all fireman ah spar wid him and a buss fight wid police? It nuh look good, especially the blasphemy argument dem, but me know say him rise from the gully and even though him love it, him no waan end up back deh one day, so him haffi go wise up. Bless Vado, do yu ting.
MR. VEGAS DAGGERING ENTERS RE CHARTS
What a way the Daggering craze tek over Jamaica, yu have about 20 Daggering songs but it come in like a Mr. Vegas ah lead because fi him own just enter the RE TV charts at #20. Big up Vegas, yu mash up the whole ah French Guiana last Friday wid yu band and yu dancers dem, Determine ah talk kinda tings about yu heart inna the Science song but see it de, yu career caan slow down, especially with all your real estate investments and all these things.
BEENIE SET FOR EUROPE
As Beenie Man done wid Beenie Sizzle, he will be hopping a plane to kick off his European tour the following day. What a yute love perform eh? Dancehall ah get a beating everywhere, but Beenie Man ah campaign the ting still fi the music. Yu nuh see him European tour all bigger this year? Big AC bus, billboards and all these things.
DANCEHALL IN DANGER?
Some artiste come in like dem still a live inna lue, Sizzla get send home from Europe, Shaggy caan sell more than 25,000, Sean Paul album get crazy delay, Guyana ban Killa, Kartel caan travel, Don Corleone nah find no hit riddim, Munga ah baffle fi find a hit. A.K.A tell me say one radio station inna Suriname all threaten the disc jockeys say dem caan play no Mavado or straight firing. Mi read an article say him management ah talk say him a build him legend, but weh dem feel like? Dem caan trick me. Mi love him melody dem, but him need fi do himself a favour, and change up him meds, ah dat mi a tell yu. Big up Tristan Palmer, big up Blue, the only government around Beenie, Tameka, Free People and the whole entourage.
MORGAN HERITAGE HITS MTV'S SUCKER FREE
Morgan Heritage's “Raid Rootz Dance” video will air on MTV2 Independents Day programming block on Wednesday July 2 in Sucker Free at 10 p.m. Big up the Heritage dem, mi love how yu a hold the flag fi reggae music.
No comments:
Post a Comment