What a renknessBwoy the reggae awards come and gawn but a nuff nuff gossip YardFlex get outa it. Yuh know sey some people really libaty tecking when yuh come fi tink bout it. Yeah man, mi hear dem a sey dat Macka Diamond look good inna har outfit but she look lacka Shabba Ranks inna wig. But a wha dis man...chu just easy yah Macka yuh a YardFlex girl...straight!
What a gwaan
Bwoy YardFlex spot a play dung a Westmoreland Curry Festival and mi a tell yuh...wi nuh really know a whey him name but wi know sey him inna Ward 21. Wi spot him a hold Stacious close gainst him and a rock. Well wi nah judge, cause dem can just bi good friends...but Stacious did look sexy still suh wi nuh know!
Einstein a hide out
Wi hear sey Einstein a keep a low profile cause him and certain member of di alliance kick off and dem sware sey dem a guh sort him out proper. Well mi hear sey him nuh sure whey him stand, suh him nah budge till him sure di threat over him head is lifted. Duh, mi a beg unno please, exercise some peace inna di business nuh.
No comments:
Post a Comment