Friday Juice - Mavado and Bounty are Neighbours

It is I, Abena, and mi come fi sort oonu out fi the weekend. Mi no eat my rice when it hot so right now, mi ah gwaan wait pon God fi grant me my vengeance pon some dutty people who ah gwaan like dem waan come mash up mi life. But like Shakespeare said, "heat not a furnace for your foe so hot, that it do singe yourself." Yea, ah wah? Mi know Shakespeare, mi go university, mi is not no normal gal, mi have fi education and all these things, yea. Later, mi haffi touch the road right now go pick up a new blouse fi go Quad this weekend. Kisses.

MAVADO AND BOUNTY ARE NEIGHBOURS

Well, mi run the investigation and mi get fi find out say Mavado plan fi live right beside him Godfather up inna the Norbook area. Him affi go sing out him belly fi build the house though because Killa retaining wall alone cost over $10 million. How some artiste inna the Monster Empire ah hype and Killa wall cost more dan dem whole house?

BARBEE LOOKED HOT AT IRAWMA

How Nikki Z ah talk say Barbee never look hot at IRAWMA? Because she and D'Angel dem a friend. New York, Miami, Jamaica, no mek she fool yu, Barbee did ah happen. The floral dress complimented her skin tone beautifully and say what you want, Barbee knows how to light up a room. She has got presence. Mi get a picture wid her in a limo and she have a slight look like Beyonce, gwaan Barbee, mad dem.

LENA IS BACK IN THE ISLAND

Somebody caan tell Lena British fi slow down? Sust a send the money-green Range Rover on the road. She ah gangsta driver from morning, memba how she used to step inna the belly of the Benz jeep she used to drive? Well, yu dun know say the big man soon forward, so Lena British, just gwaan hold the faith, yu money tall like twenty skyscraper.

P***Y SPLASH INNA WATERHOUSE SELL OFF

How P***y Splash so nice this week? Mi over de last night, and mi see all mi friend dem who mi no see long time, big up Mumma Latty, yu a de real woman, that's why the big man nuh stop mad over yu, yea! Anyways, right now, this ah the hottest session inna Kingston, full ex-rated, all assets on display, nothing no hide…you can see who shave, who cornrow and who caan afford fi buy a razor and all these things.

THE PEOPLE WAAN FI KNOW

When Milk father ah come back a yard? Mi hear say her money woes dem soon sort out because Big Errol have it like that. Pampered lifestyle, spa weekends and all these things. Milk, yu ting ah go sort out, ah now dem ah go hate yuh.When Carlos Hill abd Cash Plus ah go pay the people dem? Some people owe me some money and dem ah use the Cash Plus Crash excuse. Mi nah buy it. Send on di money money!How D'Angel feel when Barbee bredda go up and collect the award and say zagga zow? Is like the family adopt Beenie doan?If is really ZJ Liquid car park up over Daytona ah night time from wah day ya? Gwaan Liquid, mi see say yu nah ramp wid dem.When will Einstein surface again? Question everybody ah ask is if him face heal up yet from the box him get wid him owna chain. Mi hear say the link dem whale up him face. How the people dem so heated?Who the hell is Munchie British? Mi see a post about this girl and mi ask two questions, but nobody nuh know her. Anyway, tek yu forward 'cause see it de, mi ah call yu name.

BIG UPBig up ZJ Liquid, the new riddim Infrared ah go hard. Big up Tye Tye, mi see the maturity and the wisdom on your face from wah day ya, or maybe ah just the babyfather stress weh de pon yu. Anyway, yu dun know, just tek care of Scott Michael Thompson (the name boasy doan) and take extra special care of Simone McFarlane.

Source: One 876 Ent.