My my my. How the country ah get so billias? Toll raise, the Portmore people dem a cuss, the illiteracy rate gone sky high, the NWSMA ah lay off 14 contractors and the garbage ah clog up the system, remittances are down 14 per cent, and it look like the army ah go mobilize fi come pick up Dudus, downtown tense. People, if a hurricane lick we this year, dog nyam we supper. The ting nuh look good at all at all.
GULLY-GAZA WAR CAUSES TOURISTS TO BE BEATEN
Mi get a call early this morning say dem beat up some tourists over an uptown session last night. It nuh pretty at all. What a way this Gaza-Gully ting powerful, not even Killer can stop it, the ting global, if him war Kartel, dem haffi go start call him the Gully Gladiator, not the Alliance boss, because a Mavado war him a fight, whoi, mi body. Emprez, the ting billias, Beenie ah my deejay, but mi still rate the Killer said way but try mek him know say the Gully-Gaza ting de ya fi at least 18 more months and him haffi go work wid it.
NINJA PRINCESS ON TV, POPS STILL IN JAIL
Mi ah watch mi TV this morning and see Ninjaman daughter pon Smile Jamaica ah sing an R & B song and mi just feel sad. Look pon the man beautiful young daughter ah do something wid her life, and her pops still a languish inna jail.
Mi hear say inna the court case yesterday, the witness say Ninjaman and him son both had guns and bere sitten sitten. It nuh look good at all.
DUDUS TING AH GET OUTTA HAND
If me was one of Dudus friend, mi woulda just advise him fi hire Vivian Blake lawyer and turn himself in because the way the whole extradition ting is being handled looks fishy to me. Is like dem a try set him up fi trigger off a war so dem can do whatever dem want wid him. People, memba say Beans tell yu, the bigger heads ah try a ting.
PEOPLE WAAN KNOW...
Why Irie Jamboree never live up to expectations?
How was the show last night wid Killer that was held at the club on EMPIRE Boulevard?
Source: One 876 Ent
No comments:
Post a Comment