Ele Joins the Range Alliance

QUEEN PAULA, KARTEL TAKE HYPE 2K8

What a way Queen Paula deal wid Hype 2k8 so devastating? AKA and the yutes dem inna the office nuh stop talk ‘bout it. Mi love how Paula ah gwaan from wah day ya, she ah deal wid the show dem mad still, plus she have two new song, No Gyal Caan Diss Paul and Gimme Dat on the Amazon riddim that sound like she might have two hot 45 fi the rest of the year. Mi no know Paula, how dem a slow yu down fi the 2008? And it come in like Kartel decide say him waan be deejay of the year fi 2008, the man have two number ones already and from wah day ya, him start work extra hard at the stage show fi show say him ah the big man, right now, the Empire look solid.



ELEPHANT MAN JOINS THE RANGE ALLIANCE

How the hyping just gone to a new level so? Elephant Man buy a yellow Range Rover that look like a stick of Juicy Fruit that have the whole a Jamaica a whisper. How Ele so hype? 3 million dollars just to customize the Range and some more million just fi clear it? But which girl ah drive inna it first, Soshana or Tamara? But people, is like a Higher Alliance ting ah get establish, only the top people inna the Alliance have a Range that’s why Bling and Wayne nuh graduate to that level. No, ah lie mi a tell people? Mi nah hate pon dem but yu nuh see certain artistes ah show dem class in no uncertain terms. Who next outta the Alliance ah go buy a Range?

WILL MACKA ANSWER SPICE?

Will Macka mek Spice draw her out like Nike shoelace? People ah talk how Spice mud her up downa Hype 2k8 and Macka nuh answer her. Mi know say Macka and Spice did war down a one hotel a country and Spice did juck Macka in her eye and all these things but mi swear say the animosity was over. Mi see say Macka ah walk her out but mi know say she have a warrior spirit so mi no know when the real ting ah go start. It look like dem just a warm up fi Sting 25th anniversary, Spice nuh really have no hot tune, Macka have Robbery that ah lock the place, but while dem a war, Queen Paula and Stacious might come tek over the ting. Mi ah gwaan watch dem people fi see how it really ah go end up.

THE PEOPLE WAAN FI KNOW...

Why dutty Whiteman nuh stop talk about Barbee father? Millsy, sort out the ting; Kriq, yu nuh see dem fool ya sick? We cyan have dem saying these things about Barbee, zeen.

How dema give it to Treasure so? Oonu too billias, give the girl a chance, sheeez!

Why Spice really never go Beenie Man Sizzle after him come support her boat ride and all these things